43- أسئلة

هذه الأسئلة موجودة على مدونة بذرة أمل
أدعو الجميع للإجابة عليها سواء هنا أو هناك فالهدف ليس التعليقات بقدر ما هو الإجابة .

أسئلة لكل المدونين والمدونات

السؤال الأول :

بتقرأ الايام دى؟ ولو بتقرأ بتقرأ حوالى اد ايه فى اليوم ؟ وايه اكتر حاجة بتقرأها ؟

السؤال التانى :

هل بتحب ان حد من اسرتك او عائلتلك يقرأ مدونتك ويتصفح فيها ؟ ولا ما بتحبش ان حد يقرا اللى بتكتبه

السؤال الثالث:

نسبة الفائدة اللى بتحصل عليها من النت حوالى كام فى المائة من النسبة اللى انت عايزها ؟ وهل هى نسبة مرضية بالنسبة لك؟

ياريت استقبل اجابتكم اعتقد انها هتكون مفيدة لينا كلنا

بيتهيألي أسئلة مهمة لكل واحد فينا .

أنا عن نفسي جاوبت عليها كالتالي :

بالنسبة للسؤال الأول :
أقرأ حاليا : تاريخ الإسلام للإمام الذهبي - كتب في موضوع إدارة الاجتماعات .
لا أقرأ بمعدل ثابت يوميا ولكن لا يقل اسبوعيا في كثير من الأحوال عن 50 صفحة .
أكثر ما أقرأه عن التاريخ .

بالنسية للسؤال التاني :
نفسي أبويا يقرأ ما أكتبه علشان يعرف أنا بفكر ازاي .

بالنسبة للسؤال الثالث :
الفائدة التي احصل عليها :
الأخبار : 60 َ%
معلومات جديدة 25%
ثقافة عامة 50 %
معرفة آراء الآخرين : 80 %
أعتقد أن نسبة معرفة آراء الآخرين هي الوحيدة المرضية .

جزاكم الله خيرا
وأعتذر عن الكتابة بالعامية .