بووووووووم ... مفأجة

الحقيقة أنا مكنتش ناوي أكتب حاجة تاني النهاردة بس ربنا يسامج جوجل ريدر بقى .
فتحته تاني النهاردة بالليل لقيت فيه الخبرين دول :
نهى رشدي طلعت معاها جواز سفر إسرائيلي .
وكمان المحامي الشوشرة نبيه الوحش دخل على الخط

اللى ميعرفش مين نهى رشدي ميسألش ... وربنا يسامحه .

بعد كده لقيت في الريدر شوية مدونات كاتبين عن الموضوع لكن كالعادة الموضوع المتميز دائما يكون عند خالي العزيز ... أحمد الصباغ في هذه التدوينة

فقط يهمني أن أوضح بعض النقاط المهمة وقد كتبتها في تعليقي عند الصباغ :

بص يا عم أحمد أنا عايز أقول حاجة :

1- المفروض إنه غلطان علشان اتحرش بأنثى ... أيا كانت جنسيتها .

2- بيتهيألي احنا قلنا من زمان إن ممكن تكون البنت لبسها غلط لكن أكيد ده مش مبرر إن أي حد يتحرش بيها في الشارع .

3- كونها من عرب فلسطين 48 ده مصدر فخر لها ولكل اللى زيها ومهواش عيبة في حقها خالص ... أنا عايز الناس تروح تدور على النت على الشيخ رائد صلاح .
أصل هو كمان معاه الجنسية الإسرائيلية .

على فكرة أنا كتبت تدوينة عندي عن نفس الموضوع وباعت الناس كلها على هنا عندك

سلام يا خال

هذه التدوينة من غير تعليقات .
التعليقات كلها عند الصباغ : هنا