السبت، مايو 02، 2009

78- الرجالة زادوا واحد يا بشر

الحكاية وما فيها يا شباب إن أنا النهاردة بكمل 21 سنة وبالتالي فالحكومة لا تعترف بي كرجل قبل النهارده .
الحمد لله
حكومتنا مخها نضيف
الشباب بيكون بالغ مثلا من وهو عنده 12 سنة بالكتير ، والحكومة بتخليه يطلع بطاقة من وهو عنده 16 سنة ، وبعد كده تمشيه بشهادة معاملة أطفال لمدة 5 سنين لغاية ما يكون عنده 21 سنة .
ناس بتفهم صحيح
طبعا أنا بتكلم عن حكومة بلاد المحروسة مش الحكومة المصرية لا سمح الله .

أهم حاجة في الموضوع ده إن أنا بقى عندي 21 سنة
هييييييييييييييييييييييييه

2/5/1988
2/5/2009

وما زالت مصر تتحمل

فعلا بلد الصابرين

هناك 15 تعليقًا:

فليعد للدين مجده يقول...

طول عمرك راجل يا باشمهندس
كل ما في الموضوع ان مسئولياتك زادت ونعم ربنا علينا في زيادة

أبو أسامة يقول...

ربنا يكرمك يا دكتور
ده بس من ذوقك وكرم أخلاقك

العسكري عتريس يقول...

كل سنة وانت طيب .. يعنى انت بتعترف انك مش كنت راجل ؟؟؟

عــمــار البلتاجي يقول...

كل سنة وأنت طيب يا مصعب
بس أنت كده بتقول عليا مش راجل يا مصعب!!

أبو أسامة يقول...

معدش إلا عساكر الأمن المركزي
ماشي يا علوة
-----------------
عمار وعلي حسن :

كل يوم وانتوا بألف صحة وسلامة

الحقيقة أنا مقلتش حاجة خالص

الحكومة هي اللي بتقول .


واحد بيطلع بطاقة وهو عنده 16 سنة

المفروض بقى يعاملوه كراجل

لأ

الحكومة تديله فرصة 5 سنين يعمل فيهم عيل

لحد ما يوصل لغاية 21 سنة
وبعدين يعاملوه ساعتها على إنه راجل

حكومة مخها نضيف

طيب ما يطلعوا البطاقة عند 21 سنة ويريحونا .

على أي حال
الحمد لله
وعقبال كل الرجالة لما الحكومة تعترف بيهم .
( واخد بالك يا عمار )
على فكرة يا عمار
انت طول عمرك راجل
حتى من قبل ما تطلع بطاقة أصلا

جزاكم الله خيرا
والسلام عليكم ورحمة الله وبركاته

Bodi1988 يقول...

كل سنة وانت طيب يا باشااااااااا
أنا سبقتك بكام يوم كدا وأرحب بيك في قائمة رجالة مصر :) :)

الحسيني يقول...

عادي يا مصعب مضطرين نصبر

كل سنه وأنت إللي الحساب أقرب


ــــــــــــــــــــــــــــــ
أنا كنت منتظر اليوم ده من زمان اللي يصبر بينول ربنا يزيدك ... و.....

اصحى يا نايم يقول...

صحيح .. انت راجل من زمان .. فرحان أوى ليه

يعنى لو تفكر فى مستقبلك شوية ممكن يبقى العنوان : مصر زادت عاطل .. لو مؤاخذة ( العيب طبعاً فى البلد مش فيك ) ـ
تقبل تحياتى

كيــــــــــــارا يقول...

كل سنه وانت طيييييييييييييب

أبو أسامة يقول...

عبد الله أبو الوفا

كل سنة وانت طيب يا حبيب قلبي

أبو أسامة يقول...

الحسيني

معلش ياعم

وبعدين متنساش

جزاء الصابرين الجنة

يعني المفروض تشكروني

ومفيش مشكلة تبوسوا إيدي

ولو تعزموني على الغدا يبقى كويس

أبو أسامة يقول...

ابن المبارك

الحياة ليست بهذا السواد

الواحد لو عايز يشتغل هيجهز نفسه كويس وربنا هيكرمه أكيد

أبو أسامة يقول...

كيارا

كل سنة وانتي طيبة

خديجة عبدالله يقول...

كل عام وأنتم إلى الله أقرب
بارك الله لك فى عمرك وأمده فى طاعته

بعد اتمام الفرد عامه العشرين لكم يشعر بالهم :) ربنا يرشدنا

أبو أسامة يقول...

خديجة عبد الله

جزاكم الله خيرا