الجمعة، ديسمبر 07، 2007

2 - هو أنا ليه من الإخوان ؟

واحد صاحبي بيسألني انت ليه بقيت من الإخوان قلت له : في الحقيقة مش عارف يمكن علشان أبويا كده فانا بقيت كده ؟
الحقيقة أنا نفسي مش اقتنعت بالإجابة علشان كده قررت أبحث عن إجابة للسؤال في ذات الوقت اللى أنا بمارس فيه هوايتي المفضلة : كباية الشاي .
كباية شاي وتقعد تقرا هتفهم حاجات كتير قوي وده اللى أنا عملته وبعد إسبوعين من الشاي والقراية وصلت لنتيجة كويسة جدا .
النتيجة دي كتبتها في بحث من خمسين صفحة والصفحة دي بقى هي اختصار للخمسين صفحة .
أنا مسلم يبقى لازم أدعي الناس لديني علشان الله عز وجل قال : " فلولا نفر من كل فرقة منهم طائفة ليتفقهوا في الدين وينذروا قومهم إذا رجعوا إليهم " .
وطالما أنا هشتغل في الدعوة إلى الله يبقى الأحسن ليا إني أكون في جماعة علشان الشغل يبقى منظم وواقعي .
لما بدأت أدور على الجماعات ( الإسلامية المعتدلة ) لقيت جماعتين : الإخوان المسلمين والسلفيين وبدأت أقرأ عن كل جماعة في كتبها وفي النهاية اخترلات الإخوان .
ليه بقى اخترت الإخوان ؟
علشان الأسباب دي :
1- لأن الإخوان من أول الجماعات الإسلامية الموجودة في مصر .
2- لأن الإخوان فعلا ناس منظمة وبتشتغل بنظام واضح .
3- لأن الإخوان كلمتهم واحدة مش كل مجموعة لها شيخ بتمشي وراه .
4- لأن الإخوان لهم أهداف واضحة ومحددة وعايزين يحققوها .
5- لأن الإخوان ليهم مباديء واضحة ومحددة واللى عايز يكون من الإخوان ما عليه إلا إنه يؤمن بالمباديء دي .
6- لأن الإخوان في كتير من الأحيان بيقبلوا بوجود الآراء المختلفة معاهم ومش بيقولوا إن الآراء التانية غلط × غلط زي ما ناس تانية بتعمل .
أنا مش بقول الكلام ده علشان الناس تقول : الله الإخوان طلعوا حلوين يلا بقى نكون من الإخوان .
أنا بقول الكلام ده علشان سببين :
الأول : إن الكل يعرف أنا بقيت من الإخوان إزاي، ممكن أكون أنا قيمتي قليلة بين المدونين وممكن بين الناس كلها كمان لكن الواحد بيحس بسعادة وراحة لما يقول اللى جواه ويفضفض .
الثاني : علشان الناس كلها تعرف إن الإخوان المسلمين ناس لها فكر ولها نظام وحتى لو كل الناس مختلفة معاهم مش ينفع نطردهم من البلد دي ونقول البلد دي ملكمش مكان فيها لأن البلد للكل المسلمين والمسيحيين والإخوان والحزب الوطني والسلفيين والصوفيين كلنا لازم نقبل بعض ونقر بوجود كل الناس وبعد كده ننصح بعض بالذوق ويبقى كده عملنا اللى علينا .
والسلام عليكم ورحمة الله وبركاته

هناك 3 تعليقات:

mohamed Ibrahim Gaber يقول...

شكرا ليك ابو مصعب وانا فرحان جدا لانى عرفت سبب انضمامك للاخوان مع انى ضد اننا نصنف الناس على اساس اعتقادهم الدينى اهم حاجة اننا كلنا مسلمين وموضوع سلفيين دة بردة انا شايف انهم مش جماعه لان كل الناس لازم تكون سنه على سنه رسولنا لان هوا دة الاساس

أبو أسامة يقول...

محمد جابر شكرا جزيلا على المرور الطيب
وفي الحقيقة أنا لا أدعو إلى التفريق بين الناس على أساس العقيدة ولكن هذا هو الواقع بمعنى أن هناك مسلم ومسيحي بطبيعة الوضع الحالى وليس معنى أن أقول أن هناك مسلم وهناك آخر إسمه مسيحي أنني أمنع كل طرف من التعامل مع الطرف الآخر

أما السلفية فهي ليست جماعة بقدر ما هي دعوة وفكرة منتشرة بين كثير من الناس على درجات مختلفة من الاقتناع بهذه الفكرة

وأعتقد أن الإخوان والسلفيين كل منهما تجتهد لتطابق فعلها مع سنة رسول الله صلى الله عليه وسلم .
جزاكم الله خيرا على المرور والتعليق
والسلام عليكم ورحمة الله وبركاته

غير معرف يقول...

جميل اوى ان الواحد بيقول انه فى جماعة الاخوانليه الدافع عنده قوى
وعارف كمان ان المدونه بتاعتة هيقرأها ناس كتير وممكن يقتنعوا بالجماعة وانشتطها بسهولة
ايهلزمتها تامروالحاجات التانيه دى
لازم الواحد يختار الى بيحبه علشان هيكون معاه